新婚一星期│朱慧敏開直播爆奶奶係家務強者 見老公尷尬：「唔講得呀咩？」

朱慧敏（Queenie）上周跟丈夫陳良貴（Jason）在疫情下完成婚禮儀式，正式榮升陳太！在早前發放的照片中所見，雖然會場未能容納很多賓客，但氣氛仍然非常溫馨浪漫，一對新人都忍不住流下感動的眼淚。昨日，Queenie拉埋Jason一齊在Facebook直播，親自答謝大家的祝賀，並鳴謝在婚禮上幫忙的朋友。兩人互動非常甜蜜，不時四目交投甜笑，而首次做live的Jason的談吐不太怕醜，落落大方，但見二人都沒有佩戴結婚戒指。

39歲朱慧敏嫁陳良貴名醫圓婚 Bob媒人變「外父」拖新娘出場【下一頁】

{{hket:inline-image name="48c6f12e-5c27-43ee-8ef1-eb22bceeb862.jpg"}}{{/hket:inline-image}}

Queenie爆料指婚禮的翌日只是問Jason一句：「我隻戒指呢？」沒想到男方反應非常大，她特別拍片為證，片中Jason反問：「你隻戒指呢？結婚第二日，where is your ring？第一日你戒指就唔知去咗邊，你話啦，我太太係咁 㗎喇，ok，I'm okay with this（我可接受）」Queenie解釋婚禮後將戒指和老爺所送陳家傳家之寶的戒指，一次過放在丈夫的西裝口袋裡，「我唔係唔見，係諗住佢喺西裝褸度拎番畀我，冇錯，我哋都唔習慣戴戒指。」然後Queenie就伸手入西裝口袋將自己的結婚戒指拿出來，即時戴在手上，非常閃令令！

Queenie的老公是醫生，自己則考獲臨床催眠治療師執照，希望兩公婆可以在新年後每星期做一次live，透過對談在身心靈不同的範疇上，幫助大家。Queenie直言仍然希望拍劇，踢爆丈夫原來是自己的fans ; Jason稱當年有收看《畢打自己人》，當時正做實習醫生，每日回宿舍實習就會收看。Queenie說：「我會繼續拍劇㗎，希望可以演醫生或者律師，奶奶都話鍾意睇我拍戲，希望之後真係有工開嘅話，可以帶奶奶去片場觀摩一下！」

（↓點擊圖片放大↓）

黃金人妻︳朱慧敏39歲秘密嫁養和心臟科醫生 Bob通波仔「搭路」用生命做月老？【下一頁】

Queenie大讚奶奶是家務強者，她分享第一次到Jason家的時候，整齊得像去了名店一樣，見到Jason的西裝全部非常筆挺，整齊掛好，令她大開眼界。「奶奶話家務好簡單，好容易就做到，所以我希望有日可以打動到佢，一齊開live教大家......」此時，身旁的Jason低頭笑得非常尷尬，Queenie問：「做乜嘢？唔講得 㗎咩？」Jason乖乖表示「當然可以分享」。

責任編輯：楊安莉